Gashi për tragjedinë në Tetovë: Dorëheqja e Filipçes është dashur të pranohet menjëherë

23:38 | 24 Shtator 2021
A. B.

Kryetari i partisë Alternativa, Afrim Gashi, në një intervistë për “TV Shenja”, duke folur për tragjedinë në Tetovë, tha se një ministrit të cilit për tre minuta i është djegur një spital është dashur menjëherë të jep dorëheqje dhe të mos diskutohet ajo.

Ai tha se ata si opozitë do ta ngrenë zërin duke përdorur mekanizmat që i kanë në dispozicion.

“Mendojë se kemi të bëj me vetëdije dhe ndërgjegje që ka të bëj me pushtetit”, tha Gashi.

Sa i përket zërave se opozita po e keqpërdor rastin, Gashi tha se është detyrë ta ngrenë zërin që në të ardhmen mos të ndodhin raste të tjera.

“Ne asnjëherë nuk kemi parë që dikush të dënohet. Kur nuk ka llogari, kjo për kriminelët është derë e hapur që të vazhdojnë me gjëra të këqija. Prandaj, mendojë se nuk kemi të bëjmë me trysni që ta keqpërdor opozita, por, trokitja në nderën e ndërgjegjes e një njeriu nuk mund të bëhet e vrazhdë. Ose e kanë ose nuk e kanë”, u shpreh Gashi.

Shpërndaje në rrjete sociale

Lajmet më të lexuara

Të ngjashme

Foto lajm